أول فأرة كمبيوتر

bakeer85 · **مرسل:** الثلاثاء يناير 20, 2009 2:06 am

أول فأرة كمبيوتر

هذه صور لاول فأرة كمبيوتر اخترعت عام 1964

osama_sherif · **مرسل:** الأربعاء يناير 21, 2009 1:27 am

سبحان الله
فظيعة الفأرة دي
وماكانش فيها right click كمان :biggrin:

bakeer85 · **مرسل:** الأربعاء يناير 21, 2009 3:22 am

معلومات اضافية
الذي اخترع هذه الموس اسمه انجلبارت دوغلاس ، وهو مهندس في معهد بحوث ستانفورد صنع أول فأرة في عام 1964 ، كجزء من عملها بشأن حقوق آلة التفاعلات.هذه الفأرة البدائية تختبئ في اثنين من عجلات خشبية عمودية تستنسخ الحركات التي تظهر على الشاشة .

هذا الاختراع حصل على براءة الاختراع في عام 1970 تحت اسم :

indicateur de position X-Y pour système d'affichage

osama_sherif · **مرسل:** الخميس يناير 22, 2009 2:50 am

نحاول نبسط الموضوع شوية للناس اللي مش عارفة كيفية عمل الـmouse

الـmouse ده فيه عجلتين بينهم 90 درجة (يعني واحدة بالطول وواحدة بالعرض)
العجلة الأولى لما تتحرك، بتنقل الحركة دي إلى الـx-axis أو محور س على الشاشة
العجلة الثانية لما تتحرك، بتنقل الحركة دي إلى الـy-axis أو محور ص على الشاشة
التغير في حركة العجلتين دول بيتحولوا لإشارات ثنائية (يعني اكواد من أصفار ووحايد بس) وينتقلوا عن طريق السلك إلى الكمبيوتر، إللي بيترجمها لحركة على الشاشة

بعد كده ابتدوا يصغروا العجلتين دول ويحركوهم لما المستخدم يحرك كرة كبيرة في النص

وابتدت الكرة دي تصغر لحد ما بقت زي البلية اللي بنشوفها في الماوسات القديمة شوية من تحت، لما المستخدم بيحرك الماوس على سطح معين، الكرة بتتحرك وتحرك العجلتين الصغيرين اللي جوة

وبعض الكمبيوترات المحمولة القديمة كانت البلية دي ظاهرة فيها والمستخدم بيحركها بإيده

ابتدت بعد كده تكنولوجيا الماوس تتغير من الكرة إلى الـOptical Mouse أو الفأرة الضوئية، ودي اللي منتشرة دلوقتي
فكرتها إن فيها LED (لمبة ليزر صغيرة)، وsensor (حساس) يلقط صور صغيرة جدا متتابعة للسطح اللي الماوس ماشي عليه، ويقارن مدى التغيير في الصور دي وينقلها للكمبيوتر بنفس الفكرة بتاعت العجلتين بس بعد ما استغنينا عنهم خلاص

بعد كده تطورت الماوسات أكتر عن طريق صنع ماوسات wireless (لاسلكية)
أو الـtouchpad اللي تعمل باللمس وتعامل مع أصابع المستخدم على إنها مكثفات عن طريقها تقدر تحسب تغير حركة الأصابع

بدأت أجهزة mac باستخدم الماوس أولا
ثم انطلقت بعدها شركة مايكروسوفت في استخدام الماوس بداية من windows 3.1

للمزيد
http://computer.howstuffworks.com/mouse.htm
http://en.wikipedia.org/wiki/Mouse_(computing)
http://en.wikipedia.org/wiki/Touchpad

أرجو إن الشرح المبسط ده يكون مفيد
وجزاك الله خيرا مرة أخرى يا بكير

bakeer85 · **مرسل:** الأربعاء يناير 28, 2009 2:19 am

جزاك الله خيرا أخي علي هذه الاضافة المتميزة

aso92 · **مرسل:** الخميس يناير 29, 2009 5:14 pm

جزاكما الله كل خير
هذه معلومات جديده اول مره اعرفها

أول فأرة كمبيوتر

المتواجدون الآن